(La notícia està en gallec però s'enten perfectament. No hem trobat un traductor decent)
Um forte estourido sorprendeu a vizinhança de Cacheiras, em Teo, em plena Noiteboa. Um artefacto explosivo, que fontes jornalísticas apontam como 'de fabricaçom caseira', destruiu a entrada e parte do interior da sede do PSOE neste concelho. Foi arredor das duas da manhá, e poucos minutos depois congregavam-se na zona vários efectivos da guarda civil.
Declaraçons.
Hoje de manhá, o secretário geral dos 'socialistas' galegos, Pachi Vázquez, fazia umha rápida visita ao local a comprovar os desperfeitos e garantia, com o delegado do governo Antón Louro, perseguiçom sem trégua dos autores ou autoras. 'Nom vam amedrentar-nos', afirmou o político do Carvalhinho.
Antecedentes.
Com o de onte, som quatro ataques contra sedes do PSOE em território galego no que levamos de ano. Em vésperas da greve geral, umha forte explosom danara o local deste partido na Estrada, e poucos dias depois eram queimadas com artefactos incendiários as sedes de Salceda de Caselas e Salvaterra. Fontes policiais, como sempre nestes casos, responsabilizaram a resistência galega.
A sabotagem de onte soma-se aos dous ataques com bombas incendiárias que acontecêrom na passada semana em Vigo e no Porrinho, e que apontárom contra sedes do INEM. O delegado do governo salientou naqueles dias a sua 'preocupaçom pola proliferaçom de ataques daqueles que entendem que se fai política com lume e petardos'. Como consequência do ataque ao INEM viguês, as forças policiais detivêrom o moço sindicalista Miguel Nicolás, hoje preso na Lama.
Galiza Livre
0 comentaris:
Publicar un comentario